თბილისის წმიდათა
მთავარანგელოზთა სახელობის ეკლესია
მთავარანგელოზთა სახელობის ეკლესია
12 ივნისს პეტრე-პავლობის მარხვა იწყება, რომელიც 12 ივლისს, პეტრე-პავლობის დღესასწაულზე დასრულდება. ამ მარხვის ხანგრძლივობა აღდგომის თარიღზეა დამოკიდებული. ის ყველაზე დიდი ექვსი კვირა გასტანს, ხოლო ყველაზე მცირე – შვიდი დღე.
წელს პეტრე – პავლობის მარხვა 1 თვიანი იქნება.
დიდმარხვასთან შედარებით პეტრე-პავლობის მარხვა მსუბუქია. როგორც წესი, ოთხშაბათისა და პარასკევის გარდა, ეს მარხვა თევზით ხსნილია.
მოციქულთა შორის მართლმადიდებელი ეკლესია განსაკუთრებულ პატივს წმინდა პეტრე და წმინდა პავლე მოციქულებს მიაგებს. მათ თავმოციქულები ეწოდებათ.
თბილისის წმიდათა მთავარანგელოზთა ტაძარი გილოცავთ გიორგობის დღესასწაულს. წმინდა საკვირველმოქმედი და ძლევაშემოსილი გიორგი ქართველი ერის მფარველად მიიჩნევა და საქართველოში განსაკუთრებულად უყვართ.
წმინდანი მესამე საუკუნის მეორე ნახევარში, კაბადოკიაში, მდიდარ ქრისტიანულ ოჯახში დაიბადა. მოგვიანებით, წმინდა გიორგი რომის იმპერატორ დიოკლიტიანეს მმართველობის დროს მხედართმთავარი გახდა. ქრისტიანებზე დევნის დაწყების შემდეგ იგი იმპერატორს განუდგა.
თბილისის წმ.მთავარანგელოზთა სახელობის ეკლესიის მშენებარე სამრეკლოს გუმბათზე ზარი მოათავსეს, რაც განსაკუთრებული სიხარულის მომნიჭებელია ტაძრის მრევლის და ტაძრის წინამძღვრის, დეკანოზ დავით დათუაშვილისთვის, რომელიც უკვე წლებია თბილისის წმ.მთავარანგელოზთა სახელობის ეკლესიის მშენებლობას უდგას სათავეში.
შეგახსენებთ, ტაძარი გლდანის V-VI მ/რ შორის არსებულ ტერიტორიაზე მდებარეობს. უწმიდესისა და უნეტარესის ილია II-ის ლოცვა-კურთხევით, ტაძრის საძირკველი 2006 წელს იკურთხა.
თბილისის წმიდათა მთავარანგელოზთა სახელობის ეკლესიის საეკლესიო მაღაზიაში მიღებულია აკაციის თაფლი. იგი ადრეული გაზაფხულის, ღია ფერის თაფლია. ფრუქტოზის მაღალი შემცველობის წყალობით აკაციის თაფლი ნელა კრისტალიზდება და წარმოქმნის რბილ წვრილკრისტალოვან თეთრი ფერის მასას. ფუტკრის თაფლებიდან აკაციის თაფლს გააჩნია ყველაზე დაბალი გლიკემიური ინდექსი, ამიტომ რეკომენდებულია დიაბეტით დაავადებულებისთვის.
დაგვიმეგობრდი Facebook-ზე! 
ანგარიშსწორების ანგარიში 
